An Rithim Réidh. Mícheál Darby Ó Fatharta. CD

'An Rithim Réidh' an tainm atá ar an albam seo, agus níl aon dabht ach gurb é sin atá ann.  Ríleanna, Poirt agus Cornphíopaí seinnte go paiteanta, sa stíl a  fuair sé ón dúchas, ag an sár-cheoltóir seo as Conamara, stíl deas réidh agus rithimiúil.

Tá nótaí cuimsitheacha ag cur síos ar na píosaí ceoil, ins an leabhrán álainn atá ag dul leis an albam.

Mar a deir Mícheál Darby é féin ' Tá an dream óg fós ag baint ceoil as an mileoidean agus le cúnamh Dé, is i dtreise a rachaidh sé i gConamara agus ar fud na hÉireann. Tá súil agam go dtaitneoidh ceol an bhoiscín atá ar an albam seo leat, a éisteoir'